draŭlany zedlik   S.B.IE.Ŭ.K.: čytaj, što pišuć
 


Artykuły
 
level up!

Kaładyry

Adčuvańnie lohkaha nierašučaha dotyku da majho plača prymusiła adarvacca ad biessensoŭnaha ŭhladańnia ŭ šery asfalt za tralejbusnym vaknom. Pobač stajaŭ dziadźka siaredniaha vieku, čakajučy, pakul ja źviarnu na jaho ŭvahu. Dźvie sekundy ŭvahi jaho, mahčyma, nia nadta zadavolili, ale pierad maimi vačyma znoŭ pabiehli biełyja linii darožnaj raźmietki.

— Tabie... na roznych...

Jamu było ciažka havaryć. Doŭha vybirajučy patrebnyja vyrazy i robiačy vialikija paŭzy pamiž imi, jon praciahvaŭ svaju nietaropkuju havorku.

— Tabie na roznych tam festach lepiej nie źjaŭlacca. Tamu što tvaje... Tvajo, tvajo...

Uźnikła praciahłaja paŭza.

Mahčymych varyjantaŭ «majho» było nia vielmi šmat. Ale praha adnaznačnaha adkazu na pytańnie pieramahła:

— Što majo?

— Usio tvajo.

— A pry čym tut festy?

— Tjebie łučšje tam nie pokazyvatsia. Łučšje nie pokazyvatsia...

Takim čynam, kali ty — chłopiec, maješ doŭhija (nu, voś da plačej — samaje toje) raspuščanyja vałasy, apranuty ŭ čornuju kurtku z vysokim adhornutym kaŭniarom i vysokija prykmietnyja hryndery, to ty maješ usie šancy stać abjektam pilnaj uvahi kaładyroŭ, jakija mohuć apynucca pablizu. Paśla ty pačuješ, ci, prynamsi, adčuješ miž realnych słoŭ słovy pra toje, jaki ty apošni apuščany mudak u ichnych vačoch i jak jany nienavidziać roznych admarozkaŭ. Nia važna, da jakoj hramadzkaj płyni ty naležyš, nia važna, što jašče dźvie chviliny tamu ty spakojna sabie dumaŭ pra vaśmidziesiacibitavyja liki ŭ steku sapracesara. Ty — urod. Bo tak ličyć kaładyr.

Kaładyry majuć proćmu biazhłuzdych stereatypaŭ, u jakija ščyra vierać. Jany staviać siabie našmat vyšej za ciabie. Ale niahledziačy na heta, jany ŭsio-tki trochi ličacca z tvaim pravam na ŭłasny ŭnutrany śviet. Prynamsi robiać vyhlad. Ale časta ŭ ich heta nia vielmi ŭdała atrymlivajecca. Choć časam źviartajucca jany da ciabie pa-biełarusku...

Kaładyry nie žyvuć u adzinocie. Źbirańnie kaładyroŭ u hrupy — davoli častaja źjava. Paśla siabie jany zaŭsiody pakidajuć dosyć prykmietny śled. Nie chapaje tolki podpisu: «Tut byli kaładyry». Ale i jon praź niekatory čas vystupaje na brukavanym šlachu, pa jakim kaliści jany išli.

Kaładyry stukajuć pa batarei ŭ čatyry hadziny ranicy.

Kałydyry vyrazajuć vialikija dzirki ŭ asfalcie, kab zalapić ich tydni praz try.

Kaładyry kładuć asfalt i malujuć raźmietku abaviazkova ŭ hadziny-pik.

Kaładyry na całkam biełaruskamoŭnych talončykach pišuć «250 rublej».

Kaładyry raźbivajuć lichtary ŭ dvaroch, spadziejučysia zastacca niezaŭvažanymi.

Kaładyry vykručvajuć lampački ŭ padjezdach, kab paśla pradać ich za vuhłom taho ž domu.

Kaładyry vypalvajuć knopki ŭ lifcie i pakidajuć pobač svaje biazhłuzdyja aŭtohrafy.

Kaładyry prymušajuć usie susiednija kvatery (a nižnija — asabliva staranna) słuchać ichnyja ŭlubionyja «Ruki ŭvierch».

Kaładyry prapanujuć tabie źmianić svoj źniešni vyhlad tolki tamu, što «niefarmat».

Kaładyry prymušajuć ciabie źmianić svoj źniešni vyhlad tolki tamu, što «niefarmat».

Kaładyry...

Kaładyry.

Ścieražysia kaładyroŭ.

Nie rabisia kaładyrom.

17.04.04         
Kamentary

Hladzieć usie kamentary ŭ Coredump
Usiaho kamentaroŭ: 3

Антоша АвярдоZ

22.09.2004
21:02:18
Чаму "Каладыры"? Мне здаецца было б больш файна - "Калдыры"...
zedlik

23.09.2004
09:33:02
Гэтае слова аднойчы было пачутае адным маім сябрам недзе далёка на поўнач ад цэнтру Беларусі. Было пачутае няправільна, але пасьля прыжылося і вылучылася як асобнае слова. З уласным значэньнем. Больш прамым і цьвёрдым у параўнаньні з «калдыром».
Дзед-барадзед

26.11.2005
21:27:44
На Гомельшчыне такiм пэуная назва - ГОПЫ...

Dadać kamentar

 
 
 

naviny sajtu
14.03.2015
VMS 2.9.2: adpraŭka na velcom i life, padtrymka pieraniesienych numaroŭ
07.05.2012
VMS 2.9.1: vypraŭlenaja adpraŭka na velcom i life
27.04.2010
VMS 2.9: dadadzieny life i vypraŭleny velcom
02.03.2009
Padtrymka Windows Vista dla Belarusian (Latin) (Custom) Keyboard Layout
usie naviny
 
stužki navinaŭ
RSS
Atom
 
nie pa temie
zedlik. Persanalny błog