 |
|
Pakaleńnie ŽŽ
1/730 hodu. 1/2 miesiaca. 2 tydni. 14 dzion. 336 hadzinaŭ. 20160 chvilinaŭ.
1209600 sekundaŭ... Mnie spatrebiłasia 2 tydni, kab z nula ŭlicca ŭ
tusoŭku LiveJournal, pahladzieć, što tam robicca, pačytać dziońniki
(tak i chočacca dadać «niezrazumiełaj purhi») i parazvažać,
čamu ŭsio-tki skłałasia LiveJournal-kamjunici.
Pra fenomen pryciahalnaści onlineavych dziońnikaŭ praz paru dziasiatkaŭ
hadoŭ buduć pisacca dysertacyi. Ale razam z dysertacyjami pra pisańnie,
mahčyma, źjaviacca i pracy, u jakich daśledavaŭsia inšy fenomen —
čytańnie.
ŽŽ dla masavaha karystalnika ŭźnik u patrebny čas. Tady, kali
hramadztva tryvała padsieła na ličbavyja technalogii. Tady, kali ideja
vieści persanalnyja sakretnyja dziońniki zrabiłasia niepapularnaj,
a praha da pisańnia zastałasia. Tady, kali niešmatlikija natatniki
z padrabiaznaściami pryvatnaha žyćcia, jakija jašče zachavalisia, byli
spalenyja ŭ kaminach ci na zvyčajnym vohniščy pasiarod lesu padčas
čarhovaha piknika. ŽŽ prapanavaŭ ludziam cikavuju mahčymaść,
pragnazujučy vysoki popyt na svaju pradukcyju praciahły pramiežak
času.
Žadańnie łagavać ułasnaje žyćcio, vidać, zakładzienaje ŭ čałaviečych
gienach. Ale vučonyja pakul nie navučylisia karektavać kod DNK takim čynam,
kab pazbavić asobu stabilnaha žadańnia padzialicca ŭłasnymi dumkami,
adčuvańniami i pieražyvańniami z navakolnym śvietam. Cikava, što
usich dziońnik-chołderaŭ možna ŭmoŭna padzialić na dźvie hrupy.
Dziońnik stvarali mienavita pieršyja. Stvarali dla siabie. Dla realizacyi
ŭłasnych žadańniaŭ. Stvarali biez žadańnia atrymańnia aktyŭnaha fidbeku
i chardkornaha absmoktvańnia kožnaha słova ŭ kamentaroch miljonnaj
čytackaj aŭdytoryi. Im heta było nie patrebna. Patrebna było prosta
spatolić prahu pakinuć u historyi bolš-mienš nieaficyjnaje apisańnie
važnaj dla aŭtara padziei. Kamentarami, avatarami i inšymi fiškami
dziońniki abraśli paśla, kali źjaviłasia druhaja hrupa aŭtaraŭ. Ludziej,
jakija majuć patrebu ŭ acency napisanaha imi i vykładzienaha na pablik
subjektyŭnaha analizu taho ci inšaha. I jakija pačynajuć sumavać, kali
praź niekalki dzion na staronkach dziońniku nie źjaŭlajucca kamentary
ŭdziačnych naviedvalnikaŭ.
Nijak nie mahu zrazumieć, čamu ludziam padabajecca čytać pra praces
karmleńnia susiedzkich kuraniataŭ i pra toje, što žyćcio nia maje sensu,
kali z krana, paznačanaha čyrvonaj kropačkaj, uvieś červień čamuści
ciače chałodnaja vada. Što niechta schadziŭ u kramu za kiłbasoj, a niechta
pajechaŭ u letnik, dzie łaviŭ žabaŭ u sažałcy, stojačy pa kalena ŭ vadzie.
Pra toje, što Pencijum čatyry sapraŭdy chutčej za Pencijum try. Dla
bolšaści heta vidavočnaja abo absalutna niepatrebnaja infarmacyja.
I chutka jany razumiejuć, što čas, patračany na napisańnie kamentaroŭ
da siabroŭskich postaŭ možna było patracić na inšyja bolš karysnyja rečy.
ŽŽ — heta fanatyzm. Šmatlikija, nikomu nie patrebnyja kamjunici z
pastajannaj kolkaściu memberaŭ u dva čałavieki stvarajucca rehularna, ale
paśla stvareńnia nia mohuć kankretna skazać, čym jany lepiej tych, chto
stvaryli takoje samaje kamjunici na minułym tydni. Z ŽŽ vyjšli šmatlikija
biazhłuzdyja sustrečy, na nastupny dzień paśla jakich ciažka ŭspomnić,
chto ž tam usio-tki byŭ. Kali čałaviek maje akaŭnt u ŽŽ, jon aŭtamatyčna
ŭsprymajecca jak tvoj siabra, chacia zajmieć sabie dziońnik zaraz moža luby
mudak. A na nastupny dzień usie pačynajuć sutarhava napružvacca:
«A što heta za chren, treci ŭ druhim šerahu na našaj
fotcy?»
Ale niekatorym ludziam heta cikava. Heta prynosić im ščaście.
ŽŽ dapamoh im ubačyć i raźvić ułasny talent składańnia litaraŭ u
słovy, a słovaŭ u skazy, jakija majuć hłyboki sens. I mahčyma, dziakujučy
mienavita błogu śviet atrymaje novych vartych piśmieńnikaŭ, jakija pačynali
z kamentaroŭ da siabroŭskich postaŭ.
04.08.2004
Kamentary
Hladzieć usie kamentary ŭ Coredump
Usiaho kamentaroŭ: 12
Y
13.09.2004
18:38:21 |
Цикава паднаписау ты Z тут.
Але што для сябе ты вынес з ЖЖ?
Мо станеш письменникам?
Мо проста нейким публицыстам-крытыкам?
Ци кали скончыш Унивэр заб*еш на мову и на гэтую справу(каментаваньне пэуных рэчау у нашым грамадзтве), бо звычайная бытавуха — есьци , пиць, грошы адцягваюць увагу — засмоктвае? |
zedlik
14.09.2004
20:32:54 |
Вось сядзеш ты, стомлены ад праектаваньня нэўронных сетак і квантавых кампутараў, на лаву, трасянеш сваёй доўгай сівой барадою, зацягнешся касячком і падумаеш: «Эх, файны быў дзядзька. Шкада толькі, што бытавуха засмактала...» |
volia
16.09.2004
20:34:33 |
нешта змрочна тут твас! Але нешта я не зразумемела пра што сайт. Нейкі ён неаднастайны. А здымачкі- проста выдатныя! І перраклады вельмі карысныя, абавязкова скарыстаюся! |
zedlik
17.09.2004
10:27:39 |
Сайт ні пра што, гэта хатняя старонка. А хатняя старонка ня можа быць аднастайнай. Усё, што ёсьць — усё сюды. ;) |
Baradzied
19.09.2004
21:42:06 |
Pravilna zauvazana!
Mahcyma jasce zjavicca cas razvic' dumki dalej, nakont uplyvu takich tendencyj na sacyjalnuju intehratyunas'c' udzielnikau: Bo virtualnaje i sapraudnaje kola siabrou paraunac' nielha...
Mozna jasce parazvazac' na kont roznicy u karystannia bloggami u zachodnim i slavianskim sviecie i u pryvatnasci bielarusami...
Sto cihnie ich u virtualny asiarodak zamiest padtrymannia kantaktau sa svaimi "stodzionnymi"
.. Dobra tam dzie nas niama....
Bylo cikava vypadkova trapic' na hetuju staronku. Zhublienaha casu nie skaduju ;-)
Zycan'ni |
No-surprises
26.10.2004
11:31:57 |
Неяк ты гучна зазначыў - пакаленне ЖЖыстаў. Аднак ніякага пакалення няма, ёсць проста жж кам`юніці, ў параўнальнасці з іншымі тусоўкамі беларусаў у сетцы, яно нязначнае па сваёй колькасці. ЖЖ ніякі не феномэн, а такая ж абыдзенасць, як тая ж ICQ ці хатняя старонка. Каму цікава, тыя застаюцаа, каму не - зыходзяць. На густ і смак, як кажуць... Вольнасць, якую даруе нам вэб вось сапраўдны фэномен і тэма будучых дысертацый дый навуковых прац. Артыкул спадабаўся, файна напісана, прагляджу і іншыя. |
zedlik
26.10.2004
20:58:16 |
Але гэта маё ўласнае бачаньне навакольля, якое ў любым выпадку зьяўляецца суб'ектыўным. ;) Тым ня менш, асабіста я не магу зразумець, які сэнс у чытаньні падрабязнасьцяў асабістага жыцьця людзей, якіх ты нават ня ведаеш. Фэномэн менавіта ў гэтым, а ня ўласна ў ЖЖ.
І хоць размова ў артыкуле шла ня толькі пра беларускую інтэрнэт-супольнасьць, скажу два словы пра яе. Беларуская тусоўка (у тым ліку беларускамоўная) большая, чым ты ўяўляеш. Прычым яна ўжо мае такую колькасьць мэмбэраў, што усім цяжка мірна жыць і сябраваць. Узьнікаюць рознагалосьсі і спрэчкі, якія прыводзяць да падзелу кам'юніці на групы. Гэта нармальна і цалкам натуральна. Такі працэс адбываўся ва ўсіх больш-менш значных сэґмэнтах інтэрнэту і сьведчыць аб тым, што супольнасьць разьвіваецца. |
No-surprises
26.10.2004
21:42:40 |
Ёсць у Homo Sapiens адмысловая рыса, цікавіцца чым жывуць іншыя людзі. Так, эвалюцыя чаго б ні было складаны працэс, прыемна, што колькасць беларускамоўных жжыстаў павялічваецца і ў колькасным і якасным плане. |
zorna
27.10.2004
00:23:39 |
неяк Вы саркастычна так напісалі... хаця я шмат у чым з вамі згодная.
але вось:
"Калі чалавек мае акаўнт у ЖЖ, ён аўтаматычна ўспрымаецца як твой сябра, хаця займець сабе дзёньнік зараз можа любы мудак"
толькі ня так. гэта ўжо ведаеце.. у людзей недалёкіх можа такое быць. мабыць, маё меркаваньне занадта суб'ектыўнае і погляды на жыцьцё кансэрватыўныя, але абы-каго ў фрэндах не трымаю. і, ведаеце, мала і рэдка яны пішуць нешта кшталту " пра працэс кармленьня суседзкіх куранятаў і пра тое, што жыцьцё ня мае сэнсу, калі з крана, пазначанага чырвонай кропачкай, увесь чэрвень чамусьці цячэ халодная вада"
вось пра людзей, што навучыліся пісаць... мабыць, маеце рацыю (маеш рацыю - здай!:)
мне падабаюцца людзі, шўто пішуць цікава пра усё - а такія не абмінаюць увагай розныя падзеі грамадзкагі і культурнага жыцьця. пра пісьменьнікаў і казаць няма чаго, і так зразумела. |
zedlik
27.10.2004
10:46:02 |
На жаль колькасьць недалёкіх людзей імкліва павялічваецца, і зрабіць нешта з гэтым немагчыма. Прынамсі такім я ўбачыў ЖЖ у чэрвені і хоць не спрабаваў знайсьці адрозьненьні зараз, ня думаю, што нешта кардынальна зьмянілася. |
maryjka
29.10.2004
04:59:22 |
>>>Калі чалавек мае акаўнт у ЖЖ, ён аўтаматычна ўспрымаецца як твой сябра, хаця займець сабе дзёньнік зараз можа любы мудак
Гм, калі ЖЖ быў закрытай штукаю, мне падавалася, беларускія дзенікажы крыху набрыдлі адно аднаму. І напраўду трымаліся разам толькі адчуваючы сваю абранасьць. Як кажуць, у падводнай лодцы не выбіраюць.
А зараз ЖЖ млжа завестці сабе ня толькі любы мудак, але і любы харошы чалавек таксама.Да працэсу чалавечага сумоўя дадаецца сьвежая кроў любой якасьці |
Валерка
13.05.2005
16:42:09 |
ЖЖ, як і любая іншая старонка ў інэце, перш за ўсё крыніца інфармацыі. Часам натыкаесься на тое, пра што ты не думаў, цікавыя рэчы, навіны і г.д. Тое, што адбываецца ў сьвеце. Не абавязкова гэта проста дзёньнік. Але, сапраўды, выцягнуць гэтыя крупінкі інфармацыі сярод афігеннай колькасьці пастоў даволі праблематычна. Але ў такім сьвеце (інтэрнеце) мы жывем і з гэтым ніводны пашукавік нічога ня зробіць... |
|
|
|
|
|
|
|
