 |
|
S.B.IE.Ŭ.K.: pres-reliz // 2004.09.16
Źjaviŭsia novy, kardynalna
adrozny ad papiarednich metad vyvučeńnia takoha pradmietu jak mova.
Na hety raz radyja tabie paviedamić, što 16 vieraśnia pa adrasie
www.zedlik.com/sbieuk/
staŭ dastupny zbor praviłaŭ dla vyvučeńnia dyscypliny, jakaja hraje nadzvyčaj
važnuju rolu ŭ znosinach pamiž ludźmi, — movy. Pakul Viačorka i
kampanija karpiejuć nad raspracoŭkaj pravapisu, alternatyŭnymi
lingvistami byŭ stvorany i aprabavany na praktycy novy metad
udaskanaleńnia ŭłasnaj moŭnaj systemy. Zhodna ź im, vyvučeńnie
pradmietu adbyvajecca paralelna z zamacavańniem na praktycy. Jak
śćviardžajuć nia tak daŭno praviedzienyja testy, taki padychod značna
efektyŭniejšy za zubarańnie niezrazumiełych praviłaŭ i vyvučeńnie ŭsioj
hetaj filalagičnaj terminalogii, jakaja nia maje absalutna nijakaha
značeńnia ŭ stasunkach pamiž ludźmi. Sapraŭdy, navošta stalaru
Michałyču viedać, jakija dziejasłovy adnosiacca da druhoha spražeńnia,
kali jon nutrom čuje, jak skazać abo navat napisać toje ci inšaje
słova? Sučasnaja mova — tonkaja i davoli daskanałaja systema, tamu
pieranasyčeńnie jaje navukovymi terminami moža zrabić drennaje
ŭražańnie na šarahovych spažyŭcoŭ.
Padčas navučańnia pa prapanavanaj systemie ŭzrovień składanaści
pavyšajecca pavolna i, časam, amal nie zaŭvažalny pamiž susiednimi
zaniatkami, ale tym nia mienš, u im pryviedzienyja ŭsie etapy — ad
light da hardcore, a paetapnaje navučańnie, zhodna testaŭ, praviedzienych
na žyviołach, značna lepiej usprymajecca mozgam i maje bolš praciahły
termin da poŭnaha jahonaha vyvietryvańnia z hałavy.
Užo stvoranaja dastatkova vialikaja hrupa pa ažyćciaŭleńni
ŭkaranieńnia novaj adukacyjnaj systemy ŭ žyćcio. Navučańnie
adbyvajecca ŭ bekgraŭndzie, na tle realnych abjektaŭ, što stvaraje
sapraŭdnuju jednaść movy i duchoŭnaha śvietu čałavieka. Robiačysia
častkaj bijalagičnaha isnavańnia, vyniki adukacyjnaha pracesu
tryvała zamacoŭvajucca ŭ sumleńni, tamu ich niazmušanaje ŭžyvańnie
moža źmianić maralny stan čałavieka ŭ lepšy bok.
Kaniešnie, aŭtary razumiejuć, što pryviedzieny prajekt achoplivaje tolki
adzin raździeł praviłaŭ — artagrafiju, ale ŭsio ž taki my radyja
tabie paviedamić, što praca viadziecca i nad inšymi raździełami —
marfalogijaj, syntaksysam i punktuacyjaj.
Ščyra spadziajemsia, što pryviedzieny zbor dapamoža tabie źmianić svajo
staŭleńnie da filalogii jak da niecikavaj i suchoj dyscypliny i udaskanalić
svaje viedy ŭ nievymierna važnaj halinie navuki — movie.
Nie tvaja,
redakcyja prajektu «Draŭlany zedlik»
|
|
|
|
|
|
|
